Սոթքի հանքերի մոտ 2 մեքենաներ արգելափակվել են ձյան մեջ

ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում մարտի 30-ին` ժամը22.17-ին, ահազանգ է ստացվել, որ Սոթք-Քարվաճառ ավտոճանապարհին՝ հանքերի մոտակայքում, ավտոմեքենաներ են արգելափակվել ձնակույտում. դուրս բերելու համար անհրաժեշտ է փրկարաների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:

Հրշեջ-փրկարարները Մ-11 միջպետական ավտոճանապարհի Սոթք-Քարվաճառ հատվածի 31-րդ կմ-ից արգելափակումից դուրս են բերել «ՎԱԶ 2107» մակնիշի 65 LV 555 պ/հ (վարորդ` Բ. Ս.) և «Ֆորդ» մակնիշի 34 ON 776 պ/հ (վարորդ` Ս. Գ.) ավտոմեքենաները (2 ուղևոր):