Ռոբին Ուիլյամսի կինն ու երեխաները չեն կարողանում կիսել դերասանի կարողությունը

ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Հոլիվուդյան դերասան Ռոբին Ուիլյամսի կինն ու երեխաները դատարանում չեն կարողանում կիսել հանգուցյալի կարողությունը եւ նրանց յուրաքանչյուր հանդիպում ավարտվում է վեճով: Ինչպես հաղորդում է «Արմենպրես»-ը` վկայակոչելով Gazeta.ru-ն, Ուիլյամսի այրին` Սյուզանը հայտարարել է, որ Սան Ֆրանցիսկոյի իրենց համատեղ տնից մի շարք իրեր են վերցվել առանց իր իմացության: Նա շեշտել է, որ տանից տարել են մի շարք ոսկերչական իրեր եւ հուշանվերներ: Ուիլյամսի զավակերն էլ` Զախարան, Զելդան եւ Կոդին հայտարարել են, որ Սյուզանը փորձում է խախտել է կտակի պայմանները, համաձայն որի, իրենց հոր մրցանակներն ու հուշանվերները անցնում են զավակներին:

Այս տեսակետին համաձայն չէ Սյուզանը, ում փաստաբանը դատարանում ասել է, որ Սան Ֆրանցիսկոյի տունը Ուիլյամսը կտակել է նրան, հետեւաբար, տան մեջ գտնվող ապրանքները` նույնպես: Կողմերից յուրաքանաչյուրը հայտարարել է, որ մինչեւ վերջ պայքարելու է իր իրավունքների պահպանման համար:

2014թ. օգոստոսի 12-ին ԱՄՆ-ում 63 տարեկան հասակում վախճանվել Է ամերիկացի դերասան Ռոբին Ուիլյամսը: Ոստիկանության տվյալներով՝ մահվան նախնական պատճառն ինքնասպանությունն Է:

Աստղի ներկայացուցիչ Մարա Բուքսբաումի խոսքով՝ Ուիլյամսը վերջին ժամանակներս տառապում Էր ծանր դեպրեսիայով: Դերասանի մահվան կապակցությամբ ցավակցություններ Է հայտնել, մասնավորապես, ԱՄՆ-ի Նախագահ Բարաք Օբաման: «Նա միակն Էր իր տեսակի մեջ: Նա մեզ ստիպում Էր ծիծաղել եւ լալ, նա միշտ շռայլորեն հաղորդակից Էր դարձնում իր տաղանդին մեզ բոլորիս»,- ասել Է Միացյալ Նահանգների ղեկավարը:

Ռոբին Ուիլյամսն «Օսկարի» մրցնակակիր էր եւ «Ոսկե գլոբուս» մրցանակի հնգակի դափնեկիր:Ուիլյամսը խաղացել Է գրեթե 300 կինոնկարներում: