1 րոպեի ընթերցում
ԳԼԵՆԴԵՅԼ, 25 ՄԱՐՏԻ, ԱՐՄԵՆՊՐԵՍ: Ամերիկահայերի երկրորդ սերնդի ներկայացուցիչ, գրող, լուսանկարիչ Մեթյու Քարանյանն ապրիլի 16-ին Գլենդելում կներկայացնի իր «Պատմական Հայաստանը 100 տարի անց. Անի, Կարս և Արևմտյան Հայաստանի վեց նահանգները» ուղեցույցը:
Ինչպես հաղորդում է «Արմենպրես»-ըˋ վկայակոչելով «Մասիս փոստ»-ը, ուղեցույցում ընդգրկված են 125 քարտեզ և գունավոր լուսանկար: Լուսանկարների մի մասը 100 տարվա պատմություն ունի:
Ցեղասպանությունից մեկ դար անց հայերի պատմական հայրենիքը անհայտ է աշխարհի մեծ մասին: Պատմական Հայաստանում գտնվող հայկական մշակութային ժառանգությունը ներկայացնող հուշարձանները կամ ոչնչացվել են, կամ օգտագործվել այլ նպատակներով: Սակայն կան նաև շատ հուշարձաններ, որ, չնայած այդ ամենին, պահպանվել են: Ուղեցույցն ընթերցողին կծանոթացնի հայկական հնագույն հայրենիքի պատմության և մշակույթի հետ: