Դերսիմում հայկական եկեղեցի կվերանորոգվի

2 րոպեի ընթերցում

ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Դերսիմում հայերի թողած դարավոր ժառանգությունը պահպանելու և վերականգնելու նպատակով Դերսիմի հասարակական կազմակերպությունների դաշնությունը նոր նախաձեռնություն է սկսել: Ինչպես հաղորդում է «Արմենպրես»-ը, այս մասին լրագրողների հետ զրույցի ընթացքում հայտնեց դաշնության նախագահ Ահմեթ Բալքըսը, ով Հայաստան է ժամանել Դերսիմից եկած պատվիրակության կազմում:

«Դերսիմի հայերի և ալևիների բարեկամության միության հետ ունեցած հանդիպումների և քննարկումների արդյունքում ճշտեցինք, որ Դերսիմի տարածքում, որտեղ թե’ նախկինում, թե’ այսօր եղել են հայեր, 162 եկեղեցի է եղել: Որոշեցինք, որ այդ եկեղեցիներից գոնե մեկը վերանորոգենք և այդ նպատակով կազմեցինք ճարտարապետների մի խումբ, որն այժմ աշխատում է միության շրջանակներում»,- նշել է Բալքըսը` փաստելով, որ տեր կանգնելով հայկական մշակութային ժառանգությանը` իրենք ինչ-որ չափով նպաստում են նաև երկու հավաքականությունների բարեկամությանը: Դիմելով հայերին` նա ասաց. «Մենք Դերսիմում ապրում ենք ձեր նախնիների թողած մշակութային արժեքների, եկեղեցինքերի, վանքերի կողքին, և ես խոստանում եմ, որ վերադարձից հետո ձեր նախնիների թողած ժառանգությանն ավելի շատ ենք տեր կանգնելու»:

Դերսիմի հայերի և ալևիների բարեկամության միության նախագահ Սերքան Սերիաթաշը նշել է, որ համագործակցության արդյունքում վերականգվնվելու է Մեծկերտի (Մազգիրդ) հայկական եկեղեցին: «Վերանորոգումն իրականացվելու է տեղի քաղաքապետարանի միջոցով, բայց մենք ևս աջակցելու ենք այդ աշխատանքներին»,- նշել է Սերիաթաշը: Նա տեղեկացրել է նաև, որ իրենք համագործակցել են Թուրքիայի հայ ճարտարապետների միության («Հայճար») հետ` որոշակի ճշգրտումներ անելով հայկական հուշարձանների, կոթողների վերաբերյալ:

Հայերեն English

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ