Սամվել Սևյանը շարունակում է հաջողություններն ԱՄՆ-ում
1 րոպեի ընթերցում
![Սամվել Սևյանը շարունակում է հաջողություններն ԱՄՆ-ում](http://armenpress.am/resized/480/static/news/b/2015/03/798953.jpg)
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Գյոսմայստեր Սամվել Սևյանը շարունակում է հաջող ելույթներ Միացյալ նահանգներում: Նրա գլխավորած «ԱՄՆ-ի պատանի բոլոր աստղերը» թիմը Ռիչարդսոնում անցկացված մրցախաղում 26,5:23,5 հաշվով պարտության մատնեց Դալլասի համալսարանի հավաքականին, որի հինգ անդամներից չորսը գրոսմայստերներ էին: Սեւյանը ցույց տվեց մրցախաղի լավագույն արդյունքը` 10 հնարավորից 6,5 միավոր: «Արմենպրես»-ի հաղորդմամբ, այս մասին տեղեկացնում է Հայաստանի շախմատի ֆեդերացիան:
Սևյանը հայազգի շախմատիստ է, ով ԱՄՆ-ի ամենաերիտասարդ շախմատային գրոսմայստերն է։ Նա այս հեղինակավոր կոչմանն արժանացել է 13 տարեկան, 10 ամսական և 27 օրականում` մեկ տարով ավելի վաղ, քան նրան նախորդող Ռեյ Ռոբսոնը։ Այս արդյունքով նա դարձել է աշխարհում 6-րդ ամենաերիտասարդ գրոսմայստերը: