2 րոպեի ընթերցում
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: ՌԴ Պետդումայի ԱՊՀ-ի հարցերի հանձնաժողովի պատվիրակությունը մտադիր Է այցելել Գյումրի եւ ծաղկեպսակներ դնել Ավետիսյանների սպանված ընտանիքի շիրիմին: Այդ մասին, ինչպես տեղեկացնում Է «Արմենպրես»-ը՝ հղում անելով ՌԻԱ Նովոստիին, մարտի 20-ին լրագրողներին հայտնել Է կոմիտեի ղեկավար Լեոնիդ Սլուցկին:
Նրա խոսքով՝ կոմիտեի անդամները պլանավորում են մարտի 28-ին համատեղ նիստ անցկացնել Հայաստանի Ազգային ժողովի արտաքին հարաբերությունների հանձնաժողովի հետ: Օրակարգում կլինեն եվրասիական ինտեգրացման, միգրացիայի խնդիրները, ինչպես նաեւ Օսմանյան կայսրությունում հայերի ցեղասպանության 100-րդ տարելիցի հետ կապված հարցերի քննարկումը:
Մարտի 29-ին Պետդումայի հանձնաժողովի պատվիրակությունը, ինչպես ենթադրվում Է, կայցելի Գյումրի: «Ինչ վերաբերում Է Գյումրիի ողբերգությանը, ապա այն առանցքային խնդիր չդարձավ եւ պառակտման չհանգեցրեց պաշտոնական Երեւանի հետ, ինչպես կանխագուշակում Էին մեր քաղաքական ընդդիմախոսները: Այժմ հետաքննություն Է ընթանում: Մենք մտադիր ենք ծաղկեպսակներ դնել Ավետիսյանների ընտանիքի շիրիմին»,- ասել Է ռուս պատգամավորը:
Նա հավելել Է, որ նախատեսվում Է անցկացնել նաեւ հայ ընտանիքի սպանության հետաքննության ընթացքին հետեւող համատեղ հանձնաժողովի նիստը: «Մեր կողմից այն գլխավորել Է Օլեգ Լեբեդեւը (հանձնաժողովի ղեկավարի առաջին տեղակալը «Եդինայա Ռոսիայից»)»,- նշել Է Սլուցկին: