1 րոպեի ընթերցում
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Birthright Armenia ծրագիրը ապրիլի 1-ից համացանցում սկսում է #AG արշավը՝ բարձրաձայնելու համար Հայոց ցեղասպանության 100-րդ տարելիցի մասին: «Արմենպրես»-ի հաղորդմամբ` արշավի շրջանակներում աշխարհով մեկ տարածվելու են «A & G» ժամանակավոր դաճվածքներ և համացանցում #AG հաշթագով տեղեկատվություն՝ աշխարհին ավելի լայն թափով բարձրաձայնելու համար Հայոց ցեղասպանության իրողությունը:
Արշավին միանալու համար օգտատերերը պետք է համացանցում տեղադրեն իրենց լուսանկարները` #AG, #AG1915 և #AG10 հաշթագերով:
Արշավը ծրագրվում է ակտիվ իրականացնել Հայաստանում, ԱՄՆ-ում, Կանադայում, Մեծ Բրիտանիայում, Ֆրանսիայում, Գերմանիայում, Իսպանիայում, Մեքսիկայում, Արգենտինայում, Ուրուգվայում, Բրազիլիայում, Ավստրալիայում, Քուվեյթում, Իրանում, Թուրքիայում: