ԱՄՆ-ում պարողների եւ հոգեբանների նահանգներ են գտել

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Պյուի հիմնադրամի գիտնականները վերցրել են ԱՄՆ-ի աշխատանքի նախարարության վիճակագրությունը եւ որոշել յուրաքանչյուր նահանգի համար առավել բնորոշ մասնագիտությունը: Այսպես, պարզվել Է, որ Հավայիները պարողների նահանգ Է, իսկ Վաշինգտոնը (Կուլումբիայի օկրուգ)՝ քաղաքագետների տարածաշրջան. այս մասնագիտության տեր մարդիկ այնտեղ 120 անգամ ավելի շատ են համազգային նորմայից: Ինչպես տեղեկացնում Է «Արմենպրես»-ը, հետազոտության մասին հաղորդել Է The Washington Post-ը:

Աշխատանքի մեթոդիկան եղել Է շատ պարզ. գիտնականները համեմատել են աշխատանքի նախարարության ցուցակից յուրաքանչյուր նահանգում աշխատողների ակնկալվող քանակությունը (ելնելով երկրի բնակչության մեջ դրա բաժնից) եւ բոլոր մասնագիտությունների ներկայացուցիչների քանակը:

Ամփոփիչ պատկերը առատ Է եղել ուշագրավ տեղեկատվությամբ: Օրինակ՝ պարզվել Է կախվածությունն Էներգետիկական հատվածից. Տեխասում 7 անգամ ավելի շատ են նավթագործ-ինժեներները, Լուիզիանայում՝ 20 անգամ շատ են հորատողները: Համանման կերպով փայտասղոցարաններով առատ Օրեգոնում 40 անգամ շատ են եղել անտառահատները, իսկ Նեւադայում (եւ դրա մայրաքաղաք Լաս Վեգասում)՝ 32անգամ շատ՝ խաղատների աշխատողները: Զինվորական եւ գիտահետազոտական հիմնարկությունները Նյու Մեքսիկոյին են նվիրել 12 անգամ շատ ֆիզիկոսներ, քան միջին հաշվով երկրում, իսկ Boeing-ի գործարաններն ինքնաթիռներ հավաքողներին դարձրել են Վաշինգտոնի նահանգի դեմքը:

Սակայն հանդիպել են նաեւ անբացատրելի երեւույթներ. օրինակ՝ Միսուրիում 4 անգամ ավելի շատ են եղել հոգեբուժական հիվանդանոցների աշխատողները, Նյու Ջերսիում՝ 5 անգամ ավելի ընտանեկան հոգեբույժները (4170 մարդ), Փենսիլվանիան դարձել Է սոցիոլոգիական հարցումներ կազմակերպողների նահանգ (4 անգամ ավելի երկրի միջին ցուցանիշից):

Բնավ միշտ չԷ անոմալ մեծ կուտակումը նշանակում իրական մեծ թվեր. նույն այդ նավթագործների թիվը Տեխասում ընդամենը 20 հազար Է: Սակայն կան նահանգներ, որտեղ բարձր ցուցանիշները համընկնում են, այսպես, Նյու Յորքում աշխատում Է 7180 հագուստի դիզայներ (6,3 անգամ ավելի միջինից), իսկ երկրի մայրաքաղաքում՝ 3400 քաղաքագետներ (միջինից 120 անգամ ավելի):