Խճանկար

Իտալացի դիզայներները կառուցել են տուն կենդանի ծառերով

1 րոպեի ընթերցում

Իտալացի դիզայներները կառուցել են տուն կենդանի ծառերով

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Թուրինի դիզայներները բնակելի տան կառուցման համար օգտագործել են շուրջ 200 կենդանի ծառեր:

Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, կենդանի դեկորացիան ունի յուրահատուկ գործառույթ. ծառերն ամռանը պաշտպանում են կիզիչ արևից, իսկ ձմռանը արևին թույլ տալիս ջերմացնել:

«Տպավորությունն այնպիսին է, որ ապրում ես ծառի վրա»,- նման կերպ են բնութագրել բացառիկ հինգհարկանի շինությունը, որը գտնվում է իտալական Թուրին քաղաքում: Ճարտարապետ Լուչանո Պիյայի խոսքով` այն կարծես մանկական երազանքների տուն լինի:

Շինության 63 բնակարաններն իրենցից ներկայացնում են իրական քաղաքային ջունգլիներ, ունեն իրենց պատշգամբը՝ զարդարված ծառերով, որոնք տեղադրվել են մեծ տարաների մեջ:

Շինության մեջ ընդգրկվել են 150 ծառ, որոնք տեղադրվել են պատշգամբներում: Եվս 50 ծառ աճում են տան այգում: Կանաչը ստեղծում է իդեալական միկրոկլիմա:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում