Հրշեջ-փրկարարները մեկուսացրել են մայրաքաղաքի մի շարք տարածքներում բռնկված հրդեհները

ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Մարտի 13-14-ը ՀՀ տարածքային կառավարման և արտակարգ իրավիճակների նախարարության Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ: Ինչպես «Արմենպրես»-ին փոխանցեցին ՀՀ տարածքային կառավարման և արտակարգ իրավիճակների նախարարությունից, բոլոր հրդեհները հրշեջ-փրկարարները մեկուսացրել են և մարել:

Մասնավորապես` Երևանի Հրազդանի կիրճում՝ «Փարվանա» ռեստորանային համալիրի մոտակայքում, այրվել է 100 քմ եղեգնուտ, Նուբարաշեն թաղամասի 11-րդ փողոցի թիվ 4 շենքի մոտակայքում գտնվող հողամասում` 1300 քմ եղեգներ, Հրազդանի կիրճում` «Ֆլորենսիա» ռեստորանային համալիրի մոտակայքում` 800 քմ խոտածածակ տարածք և 4 ծառ, Գյուրջյան փողոցում՝ «Սուրբ Գրիգոր Լուսավորիչ» ԲԿ-ի մոտակայքում, այրվել է 230 քմ խոտածածկ տարածք: