2 րոպեի ընթերցում
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հնդկաստանում հարսանիքը ձախողվել Է այն պատճառով, որ փեսան թվաբանություն չի իմացել: Ինչպես հաղորդում Է «Արմենպրես»-ը՝ հղում անելով The Times of India թերթին, Ութար Փրադեշի նահանգում հարսանյաց հանդեսի ժամանակ Ռամ Բարան անունով երիտասարդը երկու ընտանիքների անդամների եւ գյուղի բնակիչների ներկայությամբ չի կարողացել պատասխանել հարսի քույրերի հարցին եւ ճիշտ գումարել 15-ը եւ 6-ը:
Նա ասել Է, որ գումարը հավասար Է 17-ի: Լսելով դա՝ նրա հարսնացուն՝ Լավլի Սինգհը, կտրականապես հրաժարվել Է ամուսնանալ նրա հետ՝ հայտարարելով, որ մտադիր չԷ ամուսնանալ անկիրթ մարդու հետ, եւ, չնայած փեսայի ընտանիքի բոլոր թախանձանքներին, ուղեւորվել Է տուն:
Դստեր որոշումը պաշտպանել Է նաեւ հարսի հայրը՝ Մոհար Սինգհը: «Ցանկացած առաջին դասարանցի ի վիճակի Է լուծել այս պարզագույն խնդիրը,- պարզաբանել Է նա:- Փեսայի ընտանիքը խաբել Է մեզ՝ թաքցնելով նրա տգիտությունը»: Սինգհի խոսքով՝ իր ընտանիքը հայտնվել Է անհարմար վիճակում՝ շտապ կարգով չեղյալ հայտարարելով պլանավորված ճոխ տոնակատարությունը: Հարսի հարազատները դիմել են ոստիկանություն՝ պահանջելով, որ կարգի պահապանները Ռամ Բարանին հարկադրեն վերադարձնելու այն նվերները, որոնք նա ստացել Է նախնական ամուսնական համաձայնության ընթացքում, բայց վերջինս դա հոժարակամ Է արել:
Ըստ վիճակագրության՝ Հնդկաստանի չափահաս բնակչության ավելի քան քառորդ մասն անգրագետ Է: Միջին հաշվով հնդիկը դպրոցում սովորում Է երկու տարի: Անգրագիտությունը առավել տարածված Է կանանց շրջանում, առանձնապես ստորին կաստաներին պատկանող կանանց, ինչպես նաեւ կրոնական փոքրամասնությունների, երկրի հյուսիս - արեւելքի ցեղերի եւ աղքատների շրջանում: