368.59
Հնդկուհին հարսանեկան արարողության ժամանակ լքել է փեսացուին, ով չի կարողացել գումարել 15 և 6 թվերը
1 րոպեի ընթերցում
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հնդկաստանում հարսնացուն հարսանեկան արարողությունից հեռացել է այն պատճառով, որ փեսացուն չի կարողացել գումարել 15 և 6 թվերը:
Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, դեպքը տեղի է ունեցել Ուտտար-Պրադեշ նահանգի Ռասուլաբադ գյուղում: Հարսնացուն որոշել է ստուգել ապագա ամուսնու մաթեմատիկական կարողությունները և խնդրել է 15-ին գումարել 6: «17»,- պատասխանել է փեսացուն, որից հետո հնդկուհին հեռացել է հարսանեկան արարողությունից:
Փեսայի ընտանիքը փորձել է համոզել հարսնացուին վերադառնալ, սակայն` ապարդյուն: Նա հայտարարել է, որ փեսան խաբել է իր կրթության վերաբերյալ: «Փեսայի ընտանիքը չի տեղեկացրել մեզ նրա վատ կրթության մասին, նույնիսկ առաջին դասարանցին կարող էր պատասխանել այդ հարցին»,-նշել է հարսնացուի հայրը:
Տեղի ոստիկանությունը միջնորդ է հանդիսացել ընտանիքի բանակցություններում, իսկ կողմերը միմյանց վերադարձրել են բոլոր նվերներն ու զարդերը:
Բաժանորդագրվեք մեր ալիքին Telegram-ում