Նյու Յորքի Թայմս Սքուեյր հրապարակում կոգեկոչեն Հայոց ցեղասպանության 100-րդ տարելիցը
1 րոպեի ընթերցում
ՆՅՈՒ ՅՈՐՔ, 11 ՄԱՐՏԻ, ԱՐՄԵՆՊՐԵՍ: Հայոց ցեղասպանության 100-րդ տարելիցին նվիրված ոգեկոչման արարողություն կկայանա Նյու Յորքի Թայմս Սքուեյր հրապարակում, 2015 թվականի ապրիլի 26-ին, ԱՄՆ ժամանակով ժամը 13:45-ին: Ինչպես հաղորդում է «Արմենպրես»-ը` վկայակոչելով «Մասիս փոստ»-ը, ամեն տարի կազմակերպվող այս պատմական իրադարձությունը հարգանքի տուրք է Օսմանյան կայսրության երիտթուրքական կառավարության բնաջնջած 1.5 միլիոն հայերի և դրան հաջորդած ցեղասպանությունների զոհերի հիշատակին:
Մինչ այդ` ժամը 10-ին Սուրբ Պատարագ կմատուցվի Սուրբ Վարդան հայկական եկեղեցում: Ծիսակարգն կանցկացնի Խաժակ արքեպիսկոպոսՊարսամյանը, իսկ Օշական արքեպիսկոպոսՉոլոյանը քարոզ կկարդա: Թայմս Սքուեյր հրապարակում ելույթ կունենան քաղաքական, լրատվական և գիտական ոլորտների ներկայացուցիչներ: Կատարումներով հանդես կգան ամերիկահայ երաժիշտ Սեբու Սիմոնյանը, «Արենի» երգչախումբը:
Ոգեկոչման արարողությունը կազմակերպել է «Վարդանանց ասպետներ և դուստրեր» հայկական կազմակերպությունը և Հայոց ցեղասպանության 100-րդ տարելիցի ոգեկոչման միջոցառումների ԱՄՆ Արևելյան շրջանի հանձնախումբը: