Իսրայելում գաղտնարան են գտել Ալեքսանդր Մակեդոնացու դարաշրջանի արծաթե եւ բրոնզե մետաղադրամներով

ԵՐԵՎԱՆ, 10 ՄԱՐՏԻ, ԱՐՄԵՆՊՐԵՍ: Իսրայելի հյուսիսի քարայրներց մեկում անձավագետները հայտնաբերել են գաղտնարան՝ արծաթե եւ բրոնզե մետաղադրամներով, որոնք հատվել են շուրջ 2,3 հազար տարի առաջ՝ Ալեքսանդր Մակեդոնացու ժամանակներում: Այս մասին, ինչպես տեղեկացնում Է «Արմենպրես»-ը, մարտի 10-ին հաղորդել Է Իսրայելի հեռուստատեսությունը:

Գանձը, որտեղ, բացի մետաղադրամներից, հայտնաբերվել են նաեւ արաթե զարդեր՝ ապարանջաններ, մատանիներ եւ ականջօղեր, գործող կարգին համապատասխան հանձնվել Է Իսրայելի հնությունների վարչություն: Վարչության փորձագետները կարծում են, որ մետաղադրամները եւ զարդերը պատրաստվել են մեր թվականությունից առաջ IV դարում եւ քարայրում թացքվել են Ալեքսանդր Մակեդոնացու մահվանից հետո ծայր առած խռովությունների ժամանակներում:

Ինչպես նշում Է ՏԱՍՍ-ը, սա արդեն երկրորդ խոշոր գտածոն Է մեկ ամսից Էլ պակաս ժամանակամիջոցում: Այսպես, փետրվարի կեսերին մի խումբ ջրասուզակներ Միջերկրական ծովի հատակին՝ Կեսարիա հնադարյան քաղաքի ափերի մոտ հին նավահանգստի ավերակներում հայտնաբերել են ոսկեդրամների՝ Իսրայելի պատմության մեջ խոշորագույն գանձը: Այն ժամանակ ընդամենը հայտնաբերվել Է Ֆաթիմյանների դարաշրջանի (մ.թ. 909 – 1171 թթ.) շուրջ 2 հազար մետաղադրամ՝ մեկ քառորդից մինչեւ մեկ դինար արժողությամբ: Գտածոյի կշիռը կազմում Է 9 կիլոգրամ: