Փրկարարները կանխել են ինքնասպանության փորձը

ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Հրշեջ-փրկարարների բացատրական աշխատանքների շնորհիվ կանխվել է 51-ամյա քաղաքացու ինքնասպանության փորձը: Ինչպես «Արմենպրես»-ին հայտնեցին ՀՀ տարածքային կառավարման և արտակարգ իրավիճակների նախարարության հասարակայնություն հետ կապերի բաժնից, մարտի 9-ին, ժամը 17.15-ին, տեղեկատվություն է ստացվել, որ Արարատի մարզի Արտաշատ քաղաքի Օգոստոսի 23 փողոցի թիվ 107 շենքի տանիքից քաղաքացին ցանկանում է նետվել. անհրաժեշտ է օգնություն:

Դեպքի վայր է մեկնել ՄՃԿԿ երկու օպերատիվ խումբ: Կանխվել է 1964թ. ծնված Կ. Մ.-ի ինքնասպանության փորձը: