Դանիացին վիճակախաղով 42.2 միլիոն եվրո է շահել

ՀԵԼՍԻՆԳԵՐ, 21 ՓԵՏՐՎԱՐԻ, ԱՐՄԵՆՊՐԵՍ: Դանիայում վիճակախաղերի պատմության մեջ ռեկորդ է սահմանվել: Ինչպես հաղորդում է «Արմենպրես»-ը` վկայակոչելով Lenta.ru-ն, շահողը EuroJackpot վիճակախաղով շահել է 42,2 միլիոն եվրո: Դանիացին տոմսը գնել է Հելսինգեր քաղաքի սուպերմարկետից: Շահողը դեռեւս չի եկել շահած գումարի հետեւից, սակայն վիճակախաղի կազմակերպիչները մտադիր չեն սպասել: Նրանք որոշել են այցելել սուպերմարկետ, որտեղից միլիոնանոց վիճակախաղի տոմսը գնել է դանիացին, եւ պարզել մանրամասներ նրա մասին: