1 րոպեի ընթերցում
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Հայաստանի շախմատի հավաքականի անդամ Լևոն Արոնյանը շարունակում է մասնակցությունը միջազգային մրցաշարերին:
Լեւոն Արոնյանը փետրվարի 13-19-ը կմասնակցի ՙՑյուրիխի շախմատային գերհզոր մրցաշարին: Նրա մրցակիցները կլինեն Վիշվանաթան Անանդը (Հնդկաստան), Ֆաբիանո Կարուանան (Իտալիա), Հիկարու Նակամուրան (ԱՄՆ), Վլադիմիր Կրամնիկը եւ Սերգեյ Կարյակինը (Ռուսաստան):
«Արմենպրես»-ի հաղորդմամբ, այս մասին տեղեկացնում է Armchess կայքը:
Ցյուրիխի գերխոշոր մրցաշարն անցկացվում է 2012 թվականից: Նախորդ տարվա մրցաշարի հաղթողը աշխարհի գործող չեմպիոն Մագնուս Կարլսենն է: Մրցաշարը բաղկացած կլինի 5 մրցափուլից: