Գիտափորձերն ապացուցել են ծամոնի արդյունավետությունն ախտահարույց մանրԷների դեմ պայքարում

ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Ծամոնը կարող Է բերանի խոռոչում վերացնել ախտահարույց մանրԷները: Ծամոնի մեն-միակ շերտիկը տասը րոպեում որսում Է 100 միլիոն մանրԷ (թքի մեջ միկրոօրգանիզների միջին քանակի տասը տոկոսը): Ինչպես տեղեկացնում Է «Արմենպրես»-ը, հետազոտությունը ներկայացված Է PLoS One հանդեսում, իսկ դրա մասին հակիրճ հաղորդում Է Daily Mail-ը:

Գիտափորձերից մեկի ժամանակ կամավորների բերանի խոռոչ են նետվել սահմանափակ քանակությամբ մանրԷներ, ինչից հետո մարդկանց խնդրել են տասը րոպե ծամոն ծամել: Պարզվել Է, որ յուրաքանչյուր շերտիկի բաժին Է ընկել շուրջ հարյուր միլիոն մանրԷ: «Որսված մանրԷները երեւացել են սքանավորող Էլեկտրոնային մանրադիտակի միջոցով ստացված պատկերներում»,- հաղորդում Է հոդվածը: Սակայն օգուտ Է բերում սոսկ անշաքար ծամոնը. քաղցր նյութերը լոկ սնում են բերանի խոռոչում եւ ատամների վրա բնակվող մանրԷներին:

Ծամոնն առավելագույնս արդյունավետ Է օգտագործման առաջին 30 վայրկյաններին. այնուհետեւ մանրԷներն ավելի ու ավելի վատ են որսվում: Դեռ ավելին, անդադար ծամելու դեպքում միկրոօրգանիզմների մի մասը վերադառնում Է բերանի խոռոչ:

Կատարված հետազոտության հիման վրա գիտնականները հույս ունեն մշակել ծամոն, որը կգործի ընտրողաբար եւ բերանի խոռոչում կվերացնի առանձին տեսակի ախտահարույց մանրԷներ: