Խճանկար

Microsoft-ը ներկայացրել Է Windows 10 գործառնական համակարգի նոր տարբերակը

1 րոպեի ընթերցում

Microsoft-ը ներկայացրել Է Windows 10 գործառնական համակարգի նոր տարբերակը

ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Ամերիկյան Microsoft կորպորացիան ներկայացրել Է Windows 10 գործառնական համակարգի նոր տարբերակը, որը հարմարեցված Է տարբեր մեծության Էկրաններով սարքերի համար՝ անձնական համակարգիչներից մինչեւ սմարթֆոններ, տեղեկացնում Է «Արմենպրես»-ը:

Գործառնական համակարգը մեկ տարի անվճար Է լինելու Windows 7 եւ Windows 8.1 գործառնական համակարգերի օգտատերերի, ինչպես նաեւ Windows Phone շարժական հարթակի վերջին տարբերակի համար:

Ինչպես ասված Է կորպորացիայի հաղորդագրության մեջ, Windows 10-ը հասանելի Է դեսքթոփերի համար նախատեսված ռեժիմով, երբ ճանաչում Է այնպիսի սարքեր, ինչպիսիք են մկնիկը եւ ստեղնաշարը, իսկ եթե դրանք միացած չեն, ապա համակարգն աշխատում Է սենսորային կառավարման ռեժիմով: Դրա հետ մեկտեղ հիբրիդային սարքերում գործառնական համակարգն ինքը կանցնի այս կամ այն ռեժիմին՝ կախված ստեղնաշարի միացված լինելուց:

Ինչպես նշում Է ՏԱՍՍ-ը, նաեւ Windows 10-ով կառավարվող բոլոր սարքերը կարող են սինքրոնացվել ռեալ ժամանակի ռեժիմով, ընդ որում դրանցից յուրաքանչյուրի դեպքում հավելվածները կաշխատեն նույն ձեւով: Հավելվածներով աշխատելը հարմար դարձնելու համար նախատեսված Է Snap գործառույթը, որը թույլ Է տալիս մեկ Էկրանի վրա աշխատել չորս ծրագրերով:

AREMNPRESS

Հայաստան, Երևան, 0001, Աբովյան 9

+374 10 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում