Այրի ամերիկուհին յոթ տարի ապրել Է ճամփորդական նավերի վրա

ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Ամերիկուհի Լի Վոչտստետերն ամուսնու մահից հետո ճամփորդական նավերի վրա ապրել է ընդհանուր առմամբ յոթ տարի, հաղորդում է «Արմենպրես»-ը՝ հղում անելով The Daily Mirror-ին: Կինը վաճառել է Ֆլորիդայում գտնվող իր տունը եւ մշտական բնակության վայրը փոխել Է այն բանից հետո, երբ ամուսինը 1997 թվականին մահից առաջ նրան պատգամել է «երբեք չթողնել շրջագայությունը»:

Կինը տարեկան շուրջ 160 հազար դոլար է ծախսում՝ վճարելու նավախցի, սննդի եւ ժամանցի համար:

Նա ավելի քան 100 շրջագայություն կատարել, այդ թվում՝ 15 շուրջերկրյա: 86-ամյա թոշակառուն պատմել Է, որ ամենից շատ իրեն դուր են գալիս ասիական երկրները, քանի որ նրանց կենսաձեւը խիստ տարբերվում Է այն ամենից, ինչը գերիշխում Է ԱՄՆ-ում:

Վոչտստետերը հավելել Է, որ կարոտում Է իր ընտանիքին եւ մխիթարվում Է նրանով, որ Համացանցի միջոցով կանոնավոր շփվում Է իր երեք որդիների եւ թոռների հետ: