Արտաշատում հրդեհից մեկ մարդ է մահացել

ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարություն հունվարի 16-ի ժամը 16:05-ին ահազանգ է ստացվել, որ այրվում է Արարատի Արտաշատ քաղաքի Մամիկոնյան փողոցի թիվ 5 տունը:

Ինչպես «Արմենպրես»-ը տեղեկացավ նախարարության կայքից, դեպքի վայր է մեկնել երկու մարտական հաշվարկ:

Հրդեհը մեկուսացվել է ժամը 16:45-ին: Տան շքամուտքում հայտնաբերվել է 1931թ. ծնված Զ. Հ.-ի ծխահարված դին: