Կաթոլիկ աշխարհի հոգևոր առաջնորդը փչել է հավատացյալների բերած տորթի մոմերը

ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը դեկտեմբերի 17-ին դարձավ 78 տարեկան: Հազարավոր հավատացյալներ հավաքվել են Սուրբ Պետրոսի հրապարակում շնորհավորելու կաթոլիկ աշխարհի հոգևոր առաջնորդին տարեդարձը: Այս մասին հաղորդում է «Արմենպրես»-ը` վկայակոչելով Վատիկանի ռադիոյի անգլալեզու ծառայությունը:

Ամբոխի միջով քայլելու ժամանակ Հռոմի պապը կանգ է առել հավատացյալների մի խմբի մոտ, ովքեր նրան մոմերով տորթ են մատուցել, և փչել է ծննդյան տոնի մոմերը: Ֆրանցիսկոսը նաև մի կում է արել արգենտինական ավանդական խմիչքից` մատեից, որն առաջարկել էին հավաքված ուխտավորները: