368.52
Վրաստանը Թուրքիային նամակ է հղել Կուր գետի մակարդակը կտրուկ իջնելու առնչությամբ
1 րոպեի ընթերցում
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Վրաստանի շրջակա միջավայրի պահպանության ազգային գործակալությունը, որը Կուր գետի մշտական մոնիտորինգ է անցկացնում, մի քանի օր առաջ Ասպինձայի շրջանում (Արեւելյան Վրաստան) գետի ջրի մակարդակի կտրուկ իջեցում է գրանցել:
Ինչպես հաղորդում է «Արմենպրես»-ը` վկայակոչելով վրացական մամուլը, այդ առնչությամբ Վրաստանի շրջակա միջավայրի պահպանության նախարար Էլգուջ Խոկրիշվիլին երկրի ԱԳՆ միջոցով նամակով անհանգստություն է հայտնել Թուրքիայի անտառային տնտեսության եւ ջրային պաշարների նախարար Վեյսել Էրօղլուին:
Պատասխան ուղերձում թուրքական կողմը հայտնել է, որ ներկայում Կուր գետի թուրքական հատվածում գետից ջուր է վերցվում Քայբեյ ջրամբարը լցնելու համար, որը գտնվում է վրացական սահմանից մի քանի տասնյակ կիլոմետր հեռավորության վրա, ինչն էլ գետի ջրի մակարդակի իջեցման պատճառ է դարձել:
Թուրք նախարարը հայտնել է, որ ջրի մակարդակը Կուր գետում ենթադրաբար կվերականգնվի դեկտեմբերի կեսերին:
Բաժանորդագրվեք մեր ալիքին Telegram-ում