«Լեքսուս»-ը մերկասառույցի հետևանքով դուրս է եկել ճանապարհի երթևեկելի հատվածից ու գլորվել ձորը
1 րոպեի ընթերցում
![«Լեքսուս»-ը մերկասառույցի հետևանքով դուրս է եկել ճանապարհի երթևեկելի հատվածից ու գլորվել ձորը](http://armenpress.am/resized/480/static/news/b/2014/11/785893.jpg)
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: «Լեքսուս» մակնիշի ավտոմեքենան մերկասառույցի հետևանքով դուրս է եկել ճանապարհի երթևեկելի հատվածից և գլորվել ձորը: Ինչպես «Արմենպրես»-ը տեղեկացավ ՀՀ ԱԻ նախարարության կայքից,նոյեմբերի 29-ին` ժամը 01.50-ին, ահազանգ է ստացվել, որ միջպետական Մ-4 ավտոճանապարհի Սևան-Ծովագյուղ հատվածում՝ «Ախթամար» ռեստորանային համալիրի մոտակայքում տեղի է ունեցել դեպքը, տուժածներ չկան. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարները ճանապարհի երթևեկելի հատված են դուրս բերել «Լեքսուս» մակնիշի 99 DS 991 պետհամարանիշով ավտոմեքենան: