Հայոց ցեղասպանության հուշահամալիրի մոտ վագոն-տնակ է այրվել
1 րոպեի ընթերցում
![Հայոց ցեղասպանության հուշահամալիրի մոտ վագոն-տնակ է այրվել](http://armenpress.am/resized/480/static/news/b/2014/11/785069.jpg)
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում նոյեմբերի 23-ին` ժամը 09.20-ին, ահազանգ է ստացվել, որ Երևանի Հայոց ցեղասպանության հուշահամալիրում՝ թանգարանի մոտակայքում, այրվում է պահակի տնակը: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ հրդեհը բռնկվել է «Խաչար» ՍՊԸ-ին պատկանող վագոն-տնակում: Հրդեհը մեկուսացվել է ժամը 09.32-ին, մարվել՝ 09.53-ին: Ամբողջությամբ այրվել է վագոն-տնակը՝ գույքով (17 ք.մ):