Հաշվել, գրել չիմացող 85-ամյա ֆիլիպինուհին հաջող բիզնես Է վարում

ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Տարեց ֆիլիպինուհին հաջող բիզնես Է վարում, չնայած այն բանին, որ չի կարողանում ոչ կարդալ, ոչ գրել, ոչ հաշվել, տեղեկացնում Է «Արմենպրես»-ը՝ հղում անելով GMA News-ին:

85-ամյա Լոլա Դիլինգն իր ընտանիքն ու նույնիսկ թոռներից մի քանիսին պահում Է՝ փքաբլիթներ վաճառելով Դիլիմանում ֆիլիպինյան համալսարաններից մեկի ուսանողներին ու դասախոսներին:

Թեեւ մարդիկ կարծում են, որ հաճախորդները նրան կարող են խաբել, Լոլան հաստատ համոզված Է, որ մարդիկ բարի են ու նման բան չեն անի: Այսպես, գնորդներից ոմանք պատմում են, որ նրա մեթոդն «իրենց դրդում Է արդարամիտ լինել»:

Դիլինգն ինքը հայտարարում Է, որ քանի դեռ իր ուժերը ներում են, շարունակելու Է աշխատել, որպեսզի ավելի լավ կյանք պարգեւի իր թոռներին, հաղորդել Է ՌԻԱ Նովոստին: