1 րոպեի ընթերցում
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Հնդկաստանի Բարույպուր քաղաքում 4 ոտքերով և 4 ձեռքերով տղա է ծնվել: Ինչպես հաղորդում է«Արմենպրես»-ը՝ վկայակոչելով միջազգային լրատվամիջոցները, շատերի կարծիքով` նա համարվում է Բրահմա Ասծտո վերամարմնավորումը, որը նույնպես 8 վերջույթներով է հայտնի: Ծնողներին ուրախացրել է այն փաստը, որ իրենց երեխան հավելյալ վերջույթներ ունի: Նրանք երեխային անվանել են Տղա-Աստված: Ոստիկանությունն անվտանգության միջոցառումներ է ձեռնարկել, քանի որ հարյուրավոր մարդիկ փորձել են մտնել հիվանդանոց՝ տեսնելու նորածնին:
Ոչ բոլորին է ուրախացրել նման երեխայի ծնվելու փաստը: Շատերը խուճապի են մատնվել՝ համարելով, որ տղան խորհրդանշում է աշխարհի մոտալուտ վերջը:
Բժիշկների կարծիքով` լրացուցիչ վերջույթները երեխան ստացել է իր երկվորյակ եղբոր թերզարգածած սաղմից: