Նորածինների մահվան գլխավոր պատճառը վաղաժամ ծննդաբերություններն են. գիտնականներ

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Բրիտանացի բժիշկների հետազոտությունը ցույց Է տվել, որ ամբողջ աշխարհում նորածինների մահվան գլխավոր պատճառ են դարձել վաղաժամ ծննդաբերությունները, տեղեկացնում Է «Արմենպրես»-ը:

Ամեն տարի աշխարհում մահանում Է ավելի քան մեկ միլիոն վաղաժամ ծնված երեխա, ասված Է հետազոտության մեջ, որը հրապարակվել Է Lancet հանդեսում:

Առանձնապես խոցելի են այն երեխաները, որոնց մոտ ծնվելիս թերզարգացած են ուղեղը, թոքերը եւ մյուս կարեւոր օրգանները, նախազգուշացնում են գիտնականները:

BBC-ն նշում Է, որ առաջին անգամ երեխաների շրջանում կյանքի առաջին ամսում մահվան դեպքերի առավել մեծ թվով պարզված ու հաստատված պատճառ են դարձել զարգացման առանձնահատկությունները, այլ ոչ թե վարակները, ինչպիսին թոքաբորբն Է: