368.54
SpaceX-ը հավաստել Է, որ արբանյակների ցանց Է ստեղծում աշխարհում Համացանցի տարածման համար
1 րոպեի ընթերցում
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Ամերիկացի հայտնի ձեռնարկատեր Էլոն Մասքը, որը հիմնել Է Էլեկտրամոբիլների արտադրության Tesla ընկերությունը եւ SpaceX տիեզերական կորպորացիան, հավաստել Է զանգվածային լրատվամիջոցներում հայտնված տեղեկատվությունն այն մասին, որ պլանավորում Է ստեղծել ոչ մեծ արբայնակների ցանց ամբողջ աշխարհում Համացանցի տարածման համար, տեղեկացնում Է «Արմենպրես»-ը:
«SpaceX-ը արդի միկրոարբանյակների մշակման նախնական փուլում Է, որոնք մեծ քանակությամբ կաշխատեն ուղեծրում»,- գրել Է Մասքը Twitter-ում: Ոչ մի այլ տեղեկություն ձեռնարկիչը չի հայտնել: Նրա խոսքով՝ այս ծրագրի մասին պաշտոնապես կհայտարարվի երկու - երեք ամիս հետո:
Անցյալ շաբաթվա վերջին Wall Street Journal թերթը հաղորդել Է, որ Մասքը նոր հավակնոտ ծրագիր Է պատրաստում: Հրատարակության տվյալներով՝ գործարարը պլանավորում Է երկրաշուրջ ուղեծիր դուրս բերել շուրջ 700 ոչ մեծ հեռահաղորդակցական արբանյակ, որոնք Համացանց մուտք գործելու հնարավորություն կապահովեն ամբողջ աշխարհում:
Ըստ թերթի տեղեկատվության՝ ծրագրում ներդրումները պետք Է կազմեն շուրջ 1 միլիարդ դոլար, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում