Լենինգրադյան փողոցում բախվել են «Պեժո» և «Ռենջ Ռովեր» մակնիշի մեքենաներ

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում նոյեմբերի 9-ին` ժամը 00.41-ին, ահազանգ է ստացվել, որ Երևանի Լենինգրադյան փողոցի թիվ 21/2 հասցեում գտնվող «Բլից» բենզալցկայանի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը: Դեպքի վայր է մեկնել ՃԿԿ օպերատիվ խումբը և մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ դեռևս չբացահայտված հանգամանքներում բախվել են «Պեժո» մակնիշի Լ5144 (վարորդ՝ 1978թ. ծնված Կ. Ի.) և «Ռենջ Ռովեր» մակնիշի 50 AT 505 (վարորդ՝ 1985թ. ծնված Ա. Կ.) պետհամարանիշերով ավտոմեքենաները: Հրշեջ-փրկարարները Կ. Ի.-ին տարբեր աստիճանի մարմնական վնասվածքներով դուրս են բերել ավտոմեքենայից, ով հոսպիտալացվել է «Արմենիա» ՀԲԿ: Բժիշկները տուժածի առողջական վիճակը գնահատել են ծանր: Հրշեջ-փրկարարները հոսանքազրկել են ավտոմեքենաները: