ԱՄՆ-ում Palazzo di Amore կալվածքը վաճառքի է հանվել 195 մլն դոլար ռեկորդային գնով

ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Լոս Անջելեսի Բեւեռլի Հիլզի շրջանում վաճառքի Է հանվել Palazzo di Amore կալվածքը՝ ԱՄՆ-ի շուկայի պատմության մեջ արձանագրված ռեկորդային գնով, տեղեկացնում է «Արմենպրես»-ը՝ հղում անելով տեղական զանգվածային լրատվամիջոցներին: Անշարժ գույքի սեփականատեր միլիարդատեր Ջեֆ Գրինն առանձնատան համար պահանջում է 195 միլիոն դոլար:

Ճարտարապետական համակառույցի գլխավոր բնակելի շենքը՝ տասներկու ննջասենյակներով, հյուրատները, ինչպես նաեւ մյուս կառույցները տեղավորված են 10 հեկտար տարածության վրա: Կալվածքի զգալի մասն զբաղեցնում են խաղողի հին այգիները: Լուսամուտներից բացվում է կանյոնի եւ Լոս Անջելեսի տեսարանը:

Ջեֆ Գրինն անշարժ գույքը գնել Է 2007 թվականին 35 միլիոն դոլարով, մի քանի տարի Է պահանջվել շենքերի նորոգման եւ հարդարման համար: Գրինի կարողությունը, Forbes հանդեսի գնահատումներով, գերազանցում Է 3 միլիարդ դոլարը, հաղորդել Է ՏԱՍՍ-ը: