Կարեն Մովսիսյանը կիսեց 4-5 տեղերը վետերանների աշխարհի առաջնությունում

ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Կարեն Մովսիսյանը կիսեց 4-5 տեղերը վետերանների աշխարհի առաջնությունում:

Գրոսմայստեր Կարեն Մովսիսյանը Հունաստանի Կատերինի քաղաքում ավարտված աշխարհի վետերանների առաջնությունում 11 հնարավորից վաստակեց 7,5 միավոր եւ 47 մասնակիցների թվում կիսեց 4-5-րդ տեղերը: Լրացուցիչ ցուցանիշներով Մովսիսյանը հինգերորդն էր: Կարենը մեկ միավորով ետ մնաց չեմպիոնից`գրոսմայստեր Զուրաբ Ստուրուայից (Վրաստան): «Արմենպրես»-ի հաղորդմամբ, այս մասին տեղեկացնում է Armchess կայքը:

Մրցաշարն անցկացվում էր արդեն 24-րդ անգամ, որ բաց է համարվում բոլոր նրանց համար, ովքեր ունեն բավական վարկանիշ և հովանավորվում են ազգային ֆեդերացիայի կողմից: