1 րոպեի ընթերցում
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Microsoft ընկերությունը նոր սմարթֆոններում ազատվում Է Nokia անվանումից՝ Ֆինլադիայի ֆիրմայի՝ ձեռքի հեռախոսների ստորաբաժանման ձեռքբերումից մեկ տարուց Էլ քիչ ժամանակ անց:
Nokia Lumia նոր սմարթֆոններն այսուհետեւ կանվանվեն Microsoft Lumia, տեղեկացնում Է «Արմենպրես»-ը՝ հղում անելով BBC-ին:
Microsoft-ը Nokia-ի շարժական սարքերի բիզնեսն ամբողջովին ձեռք Է բերել 2014 թվականի ապրիլին՝ 7,2 միլիարդ դոլարով:
Դրանից հետո ընկերությունն սկսել Է աստիճանաբար ազատվել Nokia-ի առեւտրանիշից: Microsoft-ի ներկայացուցիչների խոսքով՝ սմարթֆոնների լիակատար ռեբրեդինգն աստիճանաբար կկատարվի ամբողջ աշխարհում:
Այս տեղեկատվությունը պաշտոնապես հավաստվել Է Facebook-ում Nokia France-ի պաշտոնական Էջում:
2013 թվականի աշնանը գործարքը կնքելիս Microsoft-ը համաձայնել Էր սմարթֆոններում Nokia անվանումը պահպանել 10 տարվա ընթացքում: