Մայք Թայսոնը կդառնա Ռուսաստանի գրողների միության անդամ

ՄՈՍԿՎԱ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Աշխարհահառչակ ամերիկացի նախկին բռնցքամարտիկ Մայթ Թայսոնի կյանքում հոկտեմբերի 27-ը կարեւորագույն օր է: Այդ օրվանից, ամենայն հավանականությամբ, կսկսվի Թայսոնի գրողի կարիերան: Ինչպես հաղորդում է «Արմենպրես»-ը` վկայակոչելով ՏԱՍՍ-ը, նույնը օրը կկայանա բռնցքամարտիկի «Թայսոն. անողոք իրականություն» գրքի շնորհանդեսն ու ռինգի արքան կանդամակցի Ռուսաստանի գրողների միությանը:

Թայսոնն արդեն երկու անգամ արժանացել է Գինեսի ռեկորդի գրքում ընդգրկվելու հավաստագրի` ամենաշատ նոկաուտների եւ գերծանր քաշային կարգում ամենաերիտասարդ աշխարհի չեմպիոնը հռչակվելու համար:

Նա մի քանի անգամ հռչակվել է տարվա բռնցքամարտիկ: Մարզիկի փայլուն կարիերային զուգահեռ` Թայսոննի կյանքի մութ էջերն էլ շատ են: Երեք տարի նա անցկացրել է բանտում` բռնաբարության հոդվածով: 1997թ. մենամարտի ժամանակ նա կծել է բռնցքամարտիկ Էվանդեր Հոլիֆիլդի ականջը: 2005թ. Թայսոնն ավարտել է բռնցքամարտիկի կարիերան: