2 րոպեի ընթերցում
ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Միացյալ Նահանգների Microsoft կորպորացիան պատրաստվում է այս աշնանը մտնելու կրելի էլեկտրոնիկայի շուկա՝ ներկայացնելով «խելացի ժամացույց», տեղեկացնում է «Արմենպրես»-ը՝ հղում անելով Forbes հանդեսին:
Ըստ հրատարակության տեղեկատվության՝ սարքի շնորհանդեսը կկայանա առաջիկա շաբաթներին՝ Ծննդյան տոների սպառավաճառքների սեզոնի մեկնարկի նախաշեմին: Ժամացույցի տարբերակիչ առանձնահատկություններից մեկը կդառնա դրա կրոսպլատֆորմայնությունը. նորույթը կկարողանա սինքրոնացնել ոչ միայն MicrosoftWindows Phone շարժական գործառական համակարգի հիմքի վրա աշխատող սմարթֆոնների, այլեւ Google-իAndroidեւ Apple-ի iOS պլատֆորմերով աշխատող սմարթֆոնների տվյալները:
Mictodoft-ի ժամացույցը հանդերձված կլինի սենսորային Էկրանով եւ կստանա դրա տիրոջ երակազարկի հաճախականության շուրջօրյա չափման գործառույթ: Սպասվում Է, որ «խելացի ժամացույցի» կուտակիչի լիցքավորումը կբավականացնի ավելի քան երկու օր: Դա մոտավորապես կրկնակի ավելի Է, քան Samsung-ի Galaxy Gearեւ Motorola-ի, որը պատկանում Է Google ինտենետ-հսկային, Moto 360ժամացույցներինը:
Անցյալ ամսին իր Watch «խելացի ժամացույցն» Է ներկայացրել Apple-ը: Սարքը վաճառքի կհանվի հաջորդ տարվա սկզբին: Վերլուծաբանների գնահատումներով՝ 2015 թվականին կրելի Էլեկտրոնիկայի շուկայի ծավալը կկազմի 7,1 միլիարդ դոլար, հաղորդել Է ՏԱՍՍ-ը: