Դավիթ Ներսիսյանը՝ բազկամարտի աշխարհի չեմպիոն

ԵՐԵՎԱՆ,19 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի մարզիկ,75կգ քաշային Դավիթ Ներսիսյանը նվաճել Է ոսկե մեդալ Վիլնյուսում ընթացող բազկամարտի աշխարհի առաջնությունում:

Ինչպես տեղեկացնում Է «Արմենպրես»-ը, Ներսիսյանը նվաճել Է աշխարհի չեմպիոնի կոչումը գրոսմայստերների աջ ձեռքի մրցումներում` վճռական մրցամարտում հաղթելով կանադացի Ջոյ Կոսթելոին:

Ձախ ձեռքի մրցումներում Ներսիսյանը զբաղեցրել Է 4-րդ տեղը, իսկ չեմպիոն Է դարձել լիտվացի Կյաստուտիս Տառնաուսկասը:

Մինչեւ 21 տարեկանների մրցումներում Հայաստանի ներկայացուցիչներից մեկը՝ Դերենիկ Ստեփանյանը զբաղեցրել Է 4-րդ տեղը:

Սեպտեմբերի 18-ին երիտասարդների աշխարհի չեմպիոնի տիտղոսը նվաճել Էր հայաստանցի մարզիկ Աշոտ Ադամյանը: