«Ռենեսանս» ռեստորանում քաղաքացու ձեռքը մնացել է վերելակի և պատի միջև
1 րոպեի ընթերցում
![«Ռենեսանս» ռեստորանում քաղաքացու ձեռքը մնացել է վերելակի և պատի միջև](http://armenpress.am/resized/480/static/news/b/2014/09/775608.jpg)
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում սեպտեմբերի 9-ին` ժամը 23.01-ին, ահազանգ է ստացվել, որ քաղաքացու ձեռքը մնացել է Երևանի Շիրակի փողոցի թիվ 2 հասցեում գտնվող «Ռենեսանս» ռեստորանային համալիրի վերելակի դռների արանքում: Դեպքի վայր է մեկնել հատուկ նշանակության փրկարարական աշխատանքների իրականացման կենտրոնի հերթապահ խումբը: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ քաղաքացու ձեռքն ու ոտքը մնացել են վերելակի և պատի միջև ընկած հատվածում: Փրկարարները դուրս են բերել 1991թ. ծնված Ն. Ա.-ին, ով ոտքի և ձեռքի վնասվածքներով հոսպիտալացվել է «Էրեբունի» ԲԿ: Բժիշկները տուժածի առողջական վիճակը գնահատել են բավարար: