1 րոպեի ընթերցում
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Իրանի արտաքին գործերի նախարար Մոհամադ Ջավադ Զարիֆը ողջունում է Իտալիայի ԱԳ նախարար Ֆեդերիկա Մոգերինիի նշանակումը Եվրամիության արտաքին գործերի եւ անվտանգության քաղաքականության հարցերով գերագույն կոմիսարի պաշտոնում, որը նա կզբաղեցնի նոյեմբերի 1-ին, տեղեկացնում է «Արմենպրես»-ը:
Եվրախորհուրդն օգոստոսի վերջին Իտալիայի ԱԳ նախարար Մոգերինիին ընտրել է ԵՄ-ի դիվանագիտության հաջորդ ղեկավար: Դրա ներկայիս ղեկավար Քեթրին Էշթոնի լիազորությունների ժամկետը լրանում Է հոկտեմբերի վերջին:
«Մենք շատ ուրախ ենք Ձեր՝ ԵՄ-ի արտաքին գործերի եւ անվտանգության քաղաքականության հարցերով գերագույն ներկայացուցիչ նշանակվելու կապակցությամբ: Հուսով ենք շարունակել համագործակցությունը»,- հայտարարել է Իրանի ԱԳ նախարարը՝ ամփոփելով Իտալիայի իր պաշտոնակցի հետ Հռոմում սեպտեմբերի 3-ին կայացած բանակցությունների արդյունքները:
Իր կողմից Իտալիայի ԱԳ նախարար Ֆեդերիկա Մոգերինին ընդգծել է, որ Հռոմը պաշտպանում է «մինչեւ նոյեմբերի 24-ը միջուկային հիմնախնդրի շուրջ համաձայնության հասնելու անհրաժեշտությունը, ինչը կարեւոր փուլ է տարածաշրջանի անվտանգության համար», հաղորդել է ՌԻԱ Նովոստին: