Լևոն Արոնյանը երկրորդն է ՖԻԴԵ-ի վարկանիշային աղյուսակում

ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի հավաքականի առաջին համար Լևոն Արոնյանը կրկին երկրորդն է ՖԻԴԵ-ի վարկանիշային աղյուսակում:

Նոր վարկանիշային աղյուսակի առաջին տեղում աշխարհի գործող չեմպիոն Մագնուս Կարլսենն է: Նա ունի 2870 միավոր: Հայաստանի ուժեղագույն շախմատիստ Լևոն Արոնյանն ունի 2804 միավոր: Լավագույն տասնյակում են նաև Ֆաբիանու Կարուանան, Ալեքսանդր Գրիշչուկը, Վիշվանաթան Անանդը, Վեսելին Տոպալովը, Հիկարու Նակամուրան, Սերգեյ Կարյակինը, Մաքսիմ Լագրավը և Վլադիմիր Կրամնիկը:

Հայաստանի ներկայացուցիչներից լավագույն 100-ի մեջ են նաև Գաբրիել Սարգսյանը, Հրանտ Մելքումյանը, Սերգեյ Մովսիսյանը և Վլադիմիր Հակոբյանը: