2 րոպեի ընթերցում
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: NASA-ի մասնագետները պլանավորում են դեպի Մարս մարդ ուղարկելու համար հրթիռների եւ տիեզերանավերի համալրող մասերի առաջին փորձարկումները կատարել 2014 թվականի վերջին: Այդ մասին, ինչպես տեղեկացնում Է «Արմենպրես»-ը, հաղորդել Է գործակալության կայքը: SLS (Space Launch System – Տիեզերական արձակումների համակարգ) գերծանր տանող հրթիռի համար հիմնական բաղադրիչներն արդեն պատրաստ են, հայտարարել Է SLS ծրագրի կառավարիչներից մեկը:
Երեք տարվա ընթացքում գործակալությունը պատրաստվում Էր SLS համակարգերի փորձարկումներն սկսելուն: NASA-ի մասնագետները հայտարարել են ծրագիրն ավարտելու համար իրենց ջանքերի միավորման նպատակով ներդաշնակ աշխատանք ծավալելու կապալառուների պատրաստակամության մասին, որոնք պատասխանատու են SLS եւ Orion ծրագրերի իրենց բաժինների կատարման համար:
Orion բազմակի օգտագործման տիեզերանավի նախատիպի փորձարկումները գործակալությունը նախատեսել Է դեկտեմբերին, իսկ SLS-ի համար հրթիռների շարժիչների թեստավորումն՝ աշնանը: NASA-ն պատրաստվում Է ստեղծել մի շարք հրթիռներ: Այս պահին գործակալությունը հայտարարել Է երկու տիպի տանող հրթիռների մասին. թեթեւ (մինչեւ 77 տոննա) եւ ծանր (մինչեւ 143 տոննա) բեռնվածքի համար: Առաջինի արժեքը կազմում Է ավելի քան յոթ միլիարդ դոլար: Պլանավորվում Է այն արձակել 2018 թվականի նոյեմբերից ոչ ուշ, հաղորդել Է ԻՏԱՌ-ՏԱՍՍ-ը: