Սարի թաղում տան փլուզման հետևանքով մարդ է մահացել
1 րոպեի ընթերցում
![Սարի թաղում տան փլուզման հետևանքով մարդ է մահացել](http://armenpress.am/resized/480/static/news/b/2014/08/773977.jpg)
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Երևանի Սարի թաղում տեղի է ունեցել դժբախտ պատահար: Օգոստոսի 27-ի ժամը 18.34-ին ահազանգ է ստացվել, որ Երևանի Սարի թաղի 7-րդ փողոցի թիվ 18 տանը փլուզում է տեղի ունեցել. կան տուժածներ, անհրաժեշտ է փրկարարների օգնությունը: Այս մասին «Արմենպրես»-ը տեղեկացավ ՀՀ արտակարգ իրավիճակների նախարարության կայքից:
Դեպքի վայր է մեկնել երկու մարտական հաշվարկ և ՃԿԿ օպերատիվ խումբը:
Ըստ նախնական տվյալների` տուժել է Ս. Ա.-ն (ծնվ. 1999թ.), իսկ փլատակների տակ հայտնաբերվել է մեկ այլ քաղաքացու դի (տվյալները ճշտվում են):
Հաղորդվում է, որ կտրվի լրացուցիչ տեղեկություն: