1 րոպեի ընթերցում
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Բռնցքամարտի գերթեթև քաշային կարգում WBA, WBO, WIBF վարկածներով աշխարհի չեմպիոնուհի Սյուզի Կենտիկյանը հաջորդ մենամարտում հաղթանակը կնվիրի Հայոց ցեղասպանության զոհերի հիշատակին:
«Հաջորդ մենամարտն ինձ համար շատ կարևոր է, քանի որ պատրաստվում եմ հաղթանակի դեպքում այն նվիրել Հայոց ցեղասպանության զոհերի հիշատակին: Ես շատ եմ կարևորում հաջորդ մենամարտս: Դեռ հայտնի չէ մրցակիցս, բայց այն կկայանա նոյեմբերին»,-«Արմենպրես»-ի հաղորդմամբ, փաստեց Կենտիկյանը:
Սյուզի Կենտիկյանը WBA, WBO և WIBF վարկածներով աշխարհի գործող չեմպիոն է: Հայաստան է ժամանել 4-ամյա բացակայությունից հետո: Պրոֆեսիոնալ բռնցքամարտով զբաղվում է արդեն 19 տարի:
Սյուզի Կենտիկյանը ցանկություն ունի 2015 թվականին կանանց մարզադպրոց բացել Հայաստանում