Արագած լեռան մոտ արշավախմբի անդամներ են մոլորվել
1 րոպեի ընթերցում
![Արագած լեռան մոտ արշավախմբի անդամներ են մոլորվել](http://armenpress.am/resized/480/static/news/b/2014/08/773581.jpg)
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱԻՆ-ում օգոստոսի 24-ին` ժամը 21.11-ին, ահազանգ է ստացվել, որ Արագած լեռան հյուսիասային հատվածում` Քարի լճի մոտակայքում, արշավի դուրս եկած քաղաքացիները մոլորվել են. անհրաժեշտ է փրկարարների օգնությունը: Դեպքի վայր է մեկնել Արագածոտնի ՄՓՎ օպերատիվ խումբը: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, հրշեջ-փրկարարները մոլորված երեք քաղաքացիներին և արշավախմբի մնացած 12 անդամներին ուղեկցել են մոտակա բնակավայր: