1 րոպեի ընթերցում
ԳԱՎԱՌ, 13 ՕԳՈՍՏՈՍԻ, ԱՐՄԵՆՊՐԵՍ: Գեղարքունիքի մարզի Սոթք գյուղում արդեն մեկ շաբաթ է, ինչ հնագիտական պեղումներ են կատարում ՀՀ ԳԱԱ հնագիտության եւ ազգագրության ինստիտուտի հնագետները:
Ինչպես «Արմենպրես»-ին տեղեկացրեց հնագիտական արշավախմբի ղեկավար, պատմական գիտությունների թեկնածու Արսեն Բոբոխյանը, պեղումներն ընթանում են միանգամից երկու հին բնակատեղիներում, որոնցից մեկը պատկանում է բրոնզեդարյան, մյուսը` հելլենիստական դարաշրջանին: Հելլենիստական դարաշրջանի հուշարձաններ, ըստ Արսեն Բոբոխյանի, Գեղարքունիքի մարզում պեղվել են նախորդ դարի 60-ական թվականներին, Սոթքից ոչ հեռու գտնվող Ակունք եւ Կարճաղբյուր գյուղերում: Առայժմ հողի շերտերից ազատվում են պարիսպների մնացորդները, ավերակ շինությունները: Պեղումները կշարունակվեն մինչեւ օգոստոսի վերջերը:
Խոսրով Խլղաթյան