ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Հանրապետության տարածքում օգոստոսի 13-17-ին Լոռու, Տավուշի և Շիրակի մարզրեի առանձին հատվածներում երեկոյան ժամերին հնարավոր է կարճատև անձրև և ամպրոպ, ամպրոպի ժամանակ` քամու ուժգնացում մինչև 18-23 մ/վրկ արագությամբ: Առանձին վայրերում հնարավոր է կարկուտ: Ինչպես «Արմենպրես»-ին տեղեկացրին ՀՀ ԱԻՆ Հիդրոմետ ծառայությունից, օդի ջերմաստիճանն օգոստոսի 13-ին կնվազի 2-3 աստիճանով, 15-16-ին նույնքան կբարձրանա: Քամին` հարավ-արևմտյան 5-10 մ/վրկ արագությամբ:
Երևանում օգոստոսի 13-14-ին երեկոյան ժամերին հնարավոր է ամպրոպ, կա կարճատև անձրևի հավանականություն: Օգոստոսի 15-17-ին սպասվում է առանց տեղումների եղանակ: Օգոստոսի 13-14-ի ցերեկային ժամերին մայրաքաղաքում կգրանցվի +35 աստիճան, օգոստոսի 15-ին`+36 աստիճան, օգոստոսի 16-17-ին` +37 աստիճան: