«Ռոզետա» միջմոլորակային կայանը դուրս Է բերվել Չուրյումով-Գերասիմենկոյի գիսաստղի ուղեծիր

ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: «Ռոզետա» միջմոլորակային ավտոմատ կայանը 10 տարվա տիեզերական թռիչքից հետո դուրս Է բերվել ուղեծիր 67P/Չուրյումով-Գերասիմենկոյի գիսաստղի շուրջը: Ինչպես տեղեկացնում Է «Արմենպրեսը», այս մասին հաղորդել Է Եվրոպայի տիեզերական գործակալությունը (ԵՏԳ):

Չուրյումով-Գերասիմենկոյի գիսաստղի հետ «Ռոզետայի» հանդիպման ծրագիրը, գիսաստղ, որը խորհրդային գիտնականները հայտնագործել են 1969 թվականի հոկտեմբերին, եզակի Է արդի գիտության համար: Սա նման տիեզերական մարմնի ուղեծիր հետազոտական ապարատի դուրսբերման առաջին դեպքն Է: Նաեւ գիտնականներին տակավին երբեք չի հաջողվել ստանալ գիսաստղի լուսանկարներ, որոնք արված լինեն այդքան մոտ տարածությունից: Ծրագրի արժեքը կազմել Է 1,3 միլիարդ եվրո: Ծրագրին իրականացնում Է Եվրոպայի տիեզերական գործակալությունը՝ ԱՄՆ-ի Օդագնացության եւ տիեզերական տարածության հետազոտման ազգային վարչության՝ NASA-ի հետ համատեղ, հաղորդել Է ԻՏԱՌ-ՏԱՍՍ-ը: