367.38
ՄԱԿ-ի գլխավոր քարտուղարը կոչ Է արել պահպանել զինադադարը Լեռնային Ղարաբաղի հակամարտության գոտում
1 րոպեի ընթերցում
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: ՄԱԿ-ի գլխավոր քարտուղար Պան Գի Մունը Լեռնային Ղարաբաղի հակամարտության կողմերին կոչ Է արել կատարելու հրադադարի շուրջը ձեռ բերված համաձայնությունները եւ ձեռնպահ մնալու բռնությունից: Այս մասին ասված Է համաշխարհային կազմակերպության պաշտոնական ներկայացուցչի՝ օգոստոսի 4-ին տարածված հայտարարության մեջ, տեղեկացնում Է «Արմենպրես»-ը:
«Նա (Պան Գի Մունը) բոլոր կողմերին կոչ Է անում հարգելու հրադադարի շուրջը ձեռք բերված համաձայնությունը, ձեռնպահ մնալու հետագա բռնությունից եւ իրենց նվիրելու անհապաղ ապաԷսկալացմանը եւ երկխոսության շարունակմանը՝ արագ եւ խաղաղ քաղաքական կարգավորման հասնելու համար»,- նշված Է հայտարարության մեջ:
Գլխավոր քարտուղարը, փաստաթղթի համաձայն, լիակատար աջակցություն Է հայտնել ԵԱՀԿ-ի Մինսկի խմբին՝ կիսելով վերջինիս մտահոգությունը վերջին օրերին հակամարտության գոտում լարվածության աճի առթիվ:
Բաժանորդագրվեք մեր ալիքին Telegram-ում