Արտաշատ քաղաքի Թովմասյան փողոցում հրդեհ է բռնկվել
1 րոպեի ընթերցում
![Արտաշատ քաղաքի Թովմասյան փողոցում հրդեհ է բռնկվել](http://armenpress.am/resized/480/static/news/b/2014/07/770838.jpg)
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարություն հուլիսի 28-ին, ժամը 11.16-ին ահազանգ է ստացվել, որ հրդեհ է բռնկվել Արարատի մարզի Արտաշատ քաղաքի Հ. Թովմասյան փողոցի թիվ 1 հասցեում: Ինչպես «Արմենպրես»-ին տեղեկացրին ՀՀ ԱԻ նախարարությունից, դեպքի վայր է մեկնել մեկ մարտական հաշվարկ:
Պարզվել է, որ Հ. Թովմասյան փողոցի թիվ 1 շենքի Ռ. Վ.-ին պատականող 1-ին բնակարանի խոհանոցում գազի բալոնից (3 կգ-անոց) տեղի է ունեցել արտահոսք՝ բռնկումով: Հրդեհը մեկուսացվել է ժամը 11.26-ին, մարվել՝ 11.35-ին:
Խոհանոցում (6 քմ) այրվել է լվացքի մեքենան, սառանարանը, կահույքը և առաստաղը՝ մասնակի: