Սարյան փողոցում «Նեոպլան» մակնիշի ավտոբուսին բախված «Տոյոտա բրյուս»-ի 22-ամյա վարորդը հոսպիտալացվել է
1 րոպեի ընթերցում
![Սարյան փողոցում «Նեոպլան» մակնիշի ավտոբուսին բախված «Տոյոտա բրյուս»-ի 22-ամյա վարորդը հոսպիտալացվել է](http://armenpress.am/resized/480/static/news/b/2014/07/769843.jpg)
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Երևանի Սարյան փողոցի թիվ 23 հասցեում` թիվ 30 դպրոցի մոտակայքում, հուլիսի 18-ին` ժամը 07.30-ին, տեղի է ունեցել ՃՏՊ: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ «Տոյոտա բրյուս» մակնիշի 32 LS 674 պ/հ ավտոմեքենան բախվել է կայանած «Նեոպլան» մակնիշի 888 VU 81 պ/հ ավտոբուսին:Մինչ հրշեջ-փրկարարների կանչի վայր հասնելը, վարորդ Գ. Ս. (ծնվ. 1992թ.) տեղափոխվել է «Հերացի» թիվ 1 հիվանդանոցային համալիր, որտեղ վերջինիս առողջական վիճակը գնահատվել է միջին ծանրության: Հրշեջ-փրկարարները հոսանքազրկել են ավտոմեքենան: