Կապանում իրար բախված «ԲՄՎ»-ի և «Օպել»-ի վարորդները տեղափոխվել են հիվանդանոց
1 րոպեի ընթերցում
![Կապանում իրար բախված «ԲՄՎ»-ի և «Օպել»-ի վարորդները տեղափոխվել են հիվանդանոց](http://armenpress.am/resized/480/static/news/b/2014/06/767424.jpg)
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: ՀՀ ԱԻՆ-ում հունիսի 26-ին` ժամը 23.32-ին, տեղեկություն է ստացվել, որ Սյունիքի մարզի Կապան քաղաքի Հ.Ավետիսյան փողոցում՝ «Սայաթ Նովա» ռեստորանի դիմաց, տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեռևս չբացահայտված հանգամանքներում բախվել են 1989թ. ծնված Վ.Հ.-ի վարած «ԲՄՎ» մակնիշի 51DQ001 պետհամարանիշի և 1961թ. ծնված Ս.Ա.-ի վարած «Օպել» մակնիշի 34NS233 պետհամարանիշիավտոմեքենաները: Վթարի հետևանքով երկու մեքենաների վարորդները տեղափոխվել են Կապանի ԲԿ. բժիշկները տուժածների առողջական վիճակը գնահատել են բավարար: Հրշեջ-փրկարարները կատարել են հոսանքազրկման և գազազրկման աշխատանքներ: